web counter
LEXO PA REKLAMA!

SHKARKO APP

App Store
Google Play

Ju duhet me patjetër një bisedë e vjetër?/ Ja si të riktheni mesazhet e fshira në iPhone

14 Gusht 2022, 17:56, Tech CNA
Ju duhet me patjetër një bisedë e vjetër?/ Ja si të
Foto ilustruese

Na ka ndodhur pothuajse të gjithëve të kemi fshirë pa dashje një mesazh që nuk duhej ta fshinim ose të na duhet një bisedë që nuk e kemi më në telefon.

Por ekziston një mënyrë për të rikthyer mesazhet e fshira tek iPhone.

Si fillim duhet paralajmëruar kushdo që rikthimi i një kopjeje rezervë në telefonin tuaj, do të thotë se do të humbni të dhëna të reja që keni në telefon pas këtij veprimi. Ndaj duhet të siguroheni që këto mesazhe të fshira t’ia vlejnë.

Së pari, për të rikthyer mesazhet e fshira, përdoruesit e iPhone duhet të aktivizojnë iCloud dhe iCloud Backup.

Kjo mund të bëhet me disa hapa:

• Aktivizoni iCloud Drive duke shkuar te Cilësimet.

• Më pas, zgjidhni Apple ID- në tuaj.

• Pas kësaj, klikoni mbi iCloud.

• Së fundmi, aktivizoni iCloud Drive.

Pas kësaj, duhet të aktivizoni iCloud Backup. 

Mos harroni, kur hyni në një kopje rezervë, ju rivendosni iPhone-n tuaj në cilësimet e vjetra. Kjo mund të çojë në disa probleme. Nëse jeni të gatshëm ta rrezikoni, ndiqni këto hapa për të parë nëse keni në dispozicion një kopje rezervë:

• Shkoni te Cilësimet.

• Zgjidhni Apple ID-në tuaj.

• Klikoni iCloud; Menaxho hapësirën ruajtëse; Rezervimet.

Më pas, ndiqni këta hapa për të rikthyer atë kopje rezervë në telefonin tuaj:

• Shkoni te Settings; General; Reset.

• Zgjidhni Fshi të gjitha përmbajtjet dhe cilësimet.

• Klikoni Restore from iCloud Backup.

• Hyni me ID-në tuaj të Apple dhe klikoni mbi Zgjidh kopje rezervë.

Telefoni juaj do të kthehet në versionin e tij të mëparshëm. Tani mund të filloni të shikoni mesazhet e vjetra.

Kjo metodë nuk do të funksionojë nëse nuk e keni aktivizuar kurrë iPhone-n tuaj në iCloud./ B.A. - CNA.al





Lajmet e fundit nga