E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Dëshironi të mësoni më shumë rreth Inteligjencës Artificiale?/ Shikoni këta 5 filma horror dhe thriller

28 Maj 2023, 10:18, Tech CNA

Dëshironi të mësoni më shumë rreth Inteligjencës

Nga "Blade Runner" te "Terminator" dhe nga "2001: A Space Odyssey" tek "Ex Machina", inteligjenca artificiale duke u kthyer kundër krijuesit të saj ka frymëzuar artistë në kinema këtu dhe disa dekada.

Në listën e mëposhtme do të gjeni disa nga filmat më pak të njohur horror/thriller që përshkruajnë Inteligjencën Artificiale që fitojnë "vetëdije", emocione dhe etje për hakmarrje dhe gjak njerëzor.

Kolos: Projekti Forbin (1970) | Drejtuar nga: Joseph Sargent

Colossus: The Forbin Project është një perlë e vogël e zhanrit që kombinon elementet e një thrilleri klasik politik me frikën dhe terrorin që mund të shkaktojë inteligjenca artificiale kur tejkalon logjikën njerëzore dhe vepron vetë.

Westworld (1973) | Drejtuar nga: Michael Crichton

Për ata prej jush që nuk e dinin, po, Westworld i HBO-së bazohet në filmin e vitit 1973 me të njëjtin emër, shkruar dhe drejtuar nga Michael Crichton. Një zgjedhje e shkëlqyer për adhuruesit e zhanrit, dhe veçanërisht për ata që duan të kthehen përsëri në universin Westworld.

De Lift (1983) | Drejtuar nga: Dick Maas

Një nga opsionet më të mira për ata që duan të shikojnë një film të mirë me miqtë e tyre në një natë të së premtes me shi. Me meloditë e tij klasike sintetike të viteve '80, dialogët e lezetshëm dhe performancat thuajse vizatimore, filmi horror i prodhuar në Holandë ofron 90 minuta argëtim të plotë dhe rrëqethës.

Makina (2013) | Drejtuar nga Caradog W. James

Makina është një film fantastiko-shkencor britanik shumë i stilizuar, që mund të qëndronte shumë mirë përkrah filmave si Ex Machina i Alex Garland, nëse do të ishte më e qartë se çfarë do të thoshte për inteligjencën artificiale.

Unë jam nëna (2019) | Drejtuar nga: Grant Sputore

Një klaustrofobike, e errët dhe plot gjëegjëza është "I Am Mother" nga Grant Sputore. I gjithë aksioni zhvillohet brenda strehës, por filmi arrin të krijojë dyshimin, por edhe pasigurinë te shikuesi, gjithmonë përmes syve të protagonistit të ri./Përshtatur nga CNA.al