web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Lazio zgjedh trajnerin e ri, kryeqytetasit shesin titullarin

12 Qershor 2024, 12:34, Sport CNA

ZYRTARE/ Lazio zgjedh trajnerin e ri, kryeqytetasit shesin titullarin

Nuk ka më dyshime, Lazio ka zgjedhur trajnerin e ri. Në stolin e bardhekaltërve është zyrtarizuar Marco Baroni.

Tekniku i njohur italian mbylli aventurën te Helas Verona dhe do të vazhdojë karrierën te kryeqytetasit.

Në stolin e Lazio-s, Baroni do të pasojë të larguarin Igor Tudor. 60-vjeçari mbylli një sezon pozitiv te Verona, me të cilët u rendit në vendin e 13-të, duke ditur që një vit më parë, siguruan mbijetesën vetëm në javën e fundit.

Presidenti Claudio Lotito, ishte një tifoz i Baronit dhe lojës së tij, prandaj vendosi t’i besojë drejtimin e Lazio-s.

Baroni te Lazio ka firmosur kontratë dyvjeçare me mundësi rinovimi për një tjetër sezon.

Sa i përket merkatos, klubi italian njoftoi shitjen e fantazistit Luis Alberto. Futbollisti spanjoll do të vazhdojë karrierën në Katar, te skuadra e Al Duhail.

Nga kjo shitje, Lazio ka përfituar 11 milionë euro, plus 1 milion euro në formë bonusesh.

Megjithatë, klubi bardhekaltër do të duhet t’i paguajë 25% të shumës së grumbulluar Liverpulit, skuadër nga e cila e bleu Luis Alberton në vitin 2016.

Kështu Luis Alberto largohet nga Lazio pas tetë sezonesh, periudhë gjatë së cilës bëri 307 paraqitje me 52 gola të shënuar dhe 79 asistime për shokët e tij.





Lajmet e fundit nga