web counter
LEXO PA REKLAMA!

SHKARKO APP

App Store
Google Play

Egnatia nuk ndalet, kampionët nisin merkaton vrullshëm

11 Qershor 2024, 12:44, Sport CNA

Egnatia nuk ndalet, kampionët nisin merkaton vrullshëm

Pas pushimeve, Egnatia është rikthyer në fushë për të nisur përgatitjet për eliminatoret e Ligës së Kampioneve.

Pavarësisht se lojtarët kanë qenë pushim te kampionët e Shqipërisë, duket se nuk janë ndalur sa i përket merkatos.

Rrogozhinasit, prezantuan dy afrimet e para. Bëhet fjalë për mbrojtësin nga Azerbajxhani, Zamig Alijev dhe mefushorin Regi Lushkja.

Alijev zbarkon për herë të parë në Shqipëri dhe shpreson të lërë shenjë, ndërsa në karrierën e tij, ka qenë pjesë edhe e kombëtareve të moshave në vendin e tij.

Sa i përket Lushkjes, mesfushori është një emër i njohur për kampionatin shqiptar, pasi ka shkëlqyer me Laçin në të kaluarën, ndërsa në sezonin e fundit ishte pjesë e Tiranës.

Afrime të rëndësishme tek Egnatia, që duket se nuk ka ndërmend të ndalet. Sezoni i fundit ishte më i suksesshmi në historinë e klubit rrogozhinas, pasi fituan Kupën për herë të dytë radhazi, ndërsa morën edhe titullin kampion, për herë të parë në histori.

Në Rrogozhinë, drejtuesit duan të ndërtojnë një skuadër kompetitive, për të dominuar edhe në sezonet e ardhshme, pasi nuk mjaftohen vetëm me dy trofetë e fituar.

Tek Egnatia, është rikthyer gjithashtu nga huazimi Redi Kasa, por edhe mbrojtësi i majtë, Hysen Memolla.

Lëvizjet te kampionët pritet të jenë të shumta edhe në javët e ardhshme.





Lajmet e fundit nga