web counter
LEXO PA REKLAMA!

SHKARKO APP

App Store
Google Play

Vendim historik në Spanjë, tifozët dënohen me burg

11 Qershor 2024, 12:42, Sport CNA

Vendim historik në Spanjë, tifozët dënohen me burg

Tre tifozë të Valencias, janë dënuar me burg në Spanjë, për thirrje raciste. Ngjarja ndodhi më 21 maj të vitit të kaluar, kur sulmuesi i Real Madrid, Vinicius Junior, u ofendua gjatë gjithë kohës.

Tifozë e Valencias në stadiumin "Mestalla", nuk u përmbajtën, duke fyer për ngjyrën futbollistin brazilian.

Autoritet spanjolle, dënuan me nga tetë muaj burg tre tifozët, të shpallur fajtorë, për thirrje raciste ndaj lojtarit kundërshtar.

Ky është një vendim historik nga Spanja, pasi bëhet dënimi i parë me burg për racizmin në një ndeshje futbolli.

Përveç dënimit me burg, tre tifozëve u është ndalur hyrja në stadiume për një periudhë 2 vjeçare.

Të akuzuarit u dënuan fillimit me 12 muaj burg, por më pas u reduktua në 8 muaj. Real Madrid, në komunikatën zyrtare, e konsideroi si një lajm të shkëlqyer këtë vendim.

Tre tifozët, kanë pranuar përgjegjësinë e tyre penale dhe kanë bërë publike një letër ku kërkojnë falje drejtuar lojtarit Vinicius Junior, Real Madrid dhe pjesës tjetër të personave që janë ndjerë të denigruar dhe të ofenduar nga sjellja e tyre. Përveçse shprehin keqardhjen e tyre, tre të akuzuarit u kërkojnë fansave në letrën e tyre që të largojnë të gjitha gjurmët e racizmit dhe intolerancës në ndeshje futbollit dhe jo vetëm.

Vendimi u përgëzua edhe nga presidenti i La Ligës, Javier Tebas, i cili tha se është një lajm i mrekullueshëm në luftën kundër racizmit në Spanjë dhe dërgon një mesazh të qartë tifozëve që shkojnë në stadiume për dhunë. Sipas tij, La Liga, do të identifikojë racistët dhe do i raportojë ata, për të cilët më pas do të ketë pasoja.





Lajmet e fundit nga