web counter
LEXO PA REKLAMA!

SHKARKO APP

App Store
Google Play

Luiza Gega e mbyll Europianin në vendin e pestë

10 Qershor 2024, 13:10, Sport CNA

Luiza Gega e mbyll Europianin në vendin e pestë

Luiza Gega e mbylli në vendin e pestë garën e 3000 metrave me pengesa në Kampionatin Europian të Atletikës.

Atletja shqiptare vinte në këtë finale me petkun e kampiones në fuqi. Gega mbajti ritmin e kreut për më shumë se gjysmën e garës, por në fund nuk ia doli dot të siguronte zonën e medaljeve.

Shqiptarja u rendit e pesta duke dorëzuar kurorën e kampiones, të cilën e mbante prej dy vitesh.

Sa i përket finales, në stadiumin Olimpik të Romës, e para në finish mbërriti francezja Alice Finot. Ajo u skualifikua fillimisht për faull, por pas apelimit iu rikthye vendi i parë dhe medalja e artë.

Në vendin e dytë u rendit gjermania, Gesa Grauz, që mori medaljen e argjendtë, ndërsa medalja e bronzit shkoi për britaniken Elizabeth Bird.

Pas vendit të pestë në Europian, tani Luiza Gega, e zhvendos vëmendjen te Lojërat Olimpike, 'Paris 2024', evenimenti më madhor sportiv, që do të mbahet nga 26 korriku deri më 11 gusht në kryeqytetin francez, ku 35-vjeçarja shqiptare shkon e kualifikuar me normë.

Në Kampionatin Europian të atletikës që po mbahet në Romë, për Shqipërinë garoi edhe Izmir Smajlaj në disiplinën e kërcimit për së gjati. Atleti shkodran, i cili rikthehej në evente prestigjioze pas dëmtimit të rëndë, nuk mundi që t’i kalonte kualifikueset. Smajlaj regjistroi rezultatin më të mirë sezonal, duke kërcyer 7.78 metra në eliminatore, por që nuk i mjaftoi për të kaluar në fazën finale.





Lajmet e fundit nga