web counter
LEXO PA REKLAMA!

SHKARKO APP

App Store
Google Play

E fundit!

x

Spalletti me "dhimbje koke", tre mesfushorë dhe një sulmues frikësojnë Italinë

12 Qershor 2024, 12:26, Sport CNA

Spalletti me "dhimbje koke", tre mesfushorë dhe një sulmues

Situata tek Italia në prag të Europianit nuk duket shumë e mirë. "Axurët" janë në panik, kryesisht për repartin e mesfushës.

Tre lojtarë rrezikojnë të mungojnë për ndeshjen e parë të Grupit, atë ndaj Shqipërisë.

Nicolo Barela duket se nuk e ka kaluar ende plotësisht problemin muskulor dhe nuk u stërvit me pjesën tjetër të grupit te kombëtarja e Italisë. Lojtari i Interit nuk luajti në miqësoren me Bosnjën, ndërsa në stërvitjen e fundit, ishte i diferencuar nga pjesa tjetër e skuadrës.

Italianët kanë besim se lojtari do të rikuperohet në kohë për Shqipërinë, por frika është prezente gjithashtu.

Shqetësimi tjetër për Spalletti-n është mesfushori Faggioli. Lojtari u dëmtua ndaj Bosnjës, ndërsa ndien dhimbje dhe për këtë arsye, u stërvit vetëm në palestër. Futbollisti i Juventusit ishte planifikuar si titullar ndaj Shqipërisë, por problemet fizike shtojnë ankthin tek italianët.

Më alarmante bëhet situata në mesfushë, për shkak të gjendjes edhe të Davide Fratesi-t. Mesfushori shënoi golin e fitores në miqësoren e fundit dhe dukej në formë shumë të mirë, por tani gjithçka ka mbetur pezull.

Mesfushori bëri vetëm pjesën atletike të stërvitjes, pastaj u ndal dhe u spostua në palestër. Ai nuk mori pjesë në ndeshjen e kontrollit që zhvilloi trajneri Spaleti, duke ngritur dyshime.

Shqetësime shfaqi edhe sulmuesi Raspadori, i cili mori një goditje në këmbën e tij të djathtë. Nuk mund të thuhet për një dëmtim serioz, por shqetësimet tek Italia sa vijnë dhe shtohen.





Lajmet e fundit nga