web counter
LEXO PA REKLAMA!

SHKARKO APP

App Store
Google Play

Shqipëria sfidon Italinë, zbulohet gjendja e grupit të lojtarëve

12 Qershor 2024, 12:19, Sport CNA

Shqipëria sfidon Italinë, zbulohet gjendja e grupit të

Kombëtarja shqiptare vazhdon përgatitjet për ndeshjen ndaj Italisë, që do të jetë edhe e para për kuqezinjtë në Europian.

Të martën, Shqipëria zhvilloi vetëm një seancë stërvitore në kampin bazë në Kaiserau. Për fat të mirë, grupi ka qenë i plotë dhe punoi për më shumë se 30 minuta mes palestrës dhe fushës.

Edhe e mërkura rezervon një seancë stërvitore për Kombëtaren, që po e përgatit në detaje sfidën e parë të "Euro 2024".

Përballja me axurët është planifikuar të zhvillohet të shtunën e 15 qershorit në orën 21:00, në stadiumin e Dortmundit, “Signal Iduna Park”.

Shorti i Europianit i ka vendosur kuqezinjtë në grupin më të vështirë, pasi do të përballen edhe me Kroacinë më 19 qershor dhe Spanjën me 24 qershor.

Shqipëria është akomoduar në Gjermani, prej ditës së diel, duke u bërë Kombëtarja e parë që nis grumbullimin në vendin organizator.

Do të jenë dy javë të zjarrta dhe emocionuese për të besuarit e Silvinjos, që pavarësisht vështirësive, duan të bëjnë surprizën, për të kaluar grupin.

Kombëtarja shqiptare vjen me moralin e lartë, pas dy miqësoreve të fituara me Lihtenshtejnin dhe Azerbajxhanin.

Fakti që nuk ka probleme fizike për lojtarët, ia bën gjithçka më të lehtë trajnerit Silvinjo, për të synuar rezultat pozitiv.





Lajmet e fundit nga