web counter
LEXO PA REKLAMA!

SHKARKO APP

App Store
Google Play

E fundit!

x

Zyrtare/ E papritur, piloti i njohur largohet nga Formula 1

27 Shtator 2024, 11:31, Sport CNA
Zyrtare/ E papritur, piloti i njohur largohet nga Formula 1
Formula 1

Piloti Daniel Ricciardo largohet nga Racing Bulls dhe njëkohësisht do u japë lamtumirën garave të Formula 1.

Ky vendim i pilotit australian ka efekt të menjëhershëm, me 33-vjeçarin që nuk do të jetë në pistë në garën e ardhshme në Amerikë.

Këtë lajm e ka dhënë vetë Ricciardo përmes rrjeteve sociale, ku ndër të tjera thekson se gjithmonë e ka dashur këtë sport.

“Unë e kam dashur këtë sport gjatë gjithë jetës sime. Ka qenë një udhëtim i egër dhe i mrekullueshëm. Për ekipet dhe individët që kanë luajtur rolin e tyre, faleminderit. Për tifozët që e duan sportin ndonjëherë më shumë se unë ??faleminderit. Gjithmonë do të ketë ulje dhe ngritje, por di të them se ka qenë argëtuese dhe të them të vërtetën që nuk do ta ndryshoja. Deri në aventurën e radhës”-shkruan ai.

Zyrtare/ E papritur, piloti i njohur largohet nga Formula 1
Daniel Ricciardo, Burimi: Instagram

Ndërkohë, vendin e Ricciardo-s te skuadra e Racing Bulls do e marrë piloti 22-vjeçar nga Zelanda e Re, Liam Lawson.

Lawson do të garojë në 6 garat e mbetura, me shpresën që të rikonfirmohet për vitin 2025.

Çmimi i Madh i Singaporit, ku fitoi 1 pikë për xhiron më të shpejtë, ishte e fundit për Daniel Ricciardo, që në karrierën e tij ka arritur 8 fitore në Formula 1.

Australiani është një nga pilotët më të dashur të Formula 1, ndërsa ka marrë pjesë në 258 gara./CNA





Lajmet e fundit nga