E fundit!

19:21 Politikë

"Ata tjerët të rrinë në rrugë deri në 2029"/ Rama me banorët e Zvërnecit: Sapo të jetë gati projekti do të vijë te ju, jo në Tiranë

Kryeministri Edi Rama ka theksuar në takimin me banorët e ...

Mbyllet raundi i parë i Europa League, renditja dhe surprizat

27 Shtator 2024, 08:32, Sport CNA

Europa League

Raundi i parë i Europa League rezultoi sa spektakolar aq edhe surprizues.

Ditën e enjte u luajtën nëntë ndeshjet e mbetura nga ky raund, duke dhënë edhe verdiktin e parë të renditjes.

Roma-Athletic Bilbao u ndanë në paqe në këtë javë të parë të Europa League, me takimin që u mbyll me barazimin 1-1.

Ishin italianët ata që zhbllokuan sfidën, me Dovbyk që shënoi në minutën e 32’ dhe bëri që skuadra e Juriç ta mbyllte pjesën e parë në avantazh.

Megjithatë, miqtë ia dolën që të barazonin, me Paredes që gjeti rrugën drejt rrjetës në minutën e 85’, me Roma-Bilbao që dolën me nga një pikë nga kjo javë.

Tottenham fiton bindshëm me rezultatin 3-0 ndaj Qarabag, në një takim që “Spurs” e luajtën me dhjetë lojtarë që nga minuta e 8’, pasi Dragusin u ndëshkua me karton të kuq.

Anglezët gjetën rrugën drejt rrjetës me Johnson në minutën e 12’, në minutën e 52’ Sarr dyfishoi rezultatin, teksa Solanke vulosi këtë takim me golin e minutës së 68’.

Ndërkohë, Lyon fitoi me rezultatin 2-0 ndaj Olympiacos, në një takim që u zhbllokua pas më shumë se një ore lojë, më saktë në minutën e 65’, me Cherki që gjeti rrugën drejt rrjetës, teksa Benrahma vulosi ndeshjen me golin e minutës së 71’.

Rangers bindi me reuzltatin 0-2 në transfertën e Malmo-s, me golin e parë që u realizua pas vetëm 55 sekondave lojë nga mesfushori i kombëtares shqiptare të futbollit, Nedim Bajrami, i cili në këtë takim gjeti golin e parë me ekipin e tij të ri.

Teksa goli i dytë i ndeshjes u realizua nga McCausland në minutën e 76.

Sa u përket ndeshjeve të tjera, Fenerbahce-Royale Union u mbyll me rezultatin 2-1, Ajax-Besiktas me rezultatin 4-0, Braga-Maccabi Tel Aviv me rezultatin 2-1 dhe FCSB-RFS me rezultatin 4-1.

Ndërkohë pas këtij raundi, renditja e Europa League kryesohet nga Ajax, teksa në vend të fundit pozicionohet ekipi i Besiktas-it./CNA