web counter
LEXO PA REKLAMA!

SHKARKO APP

App Store
Google Play

Sfida me Egnatian, habit trajneri i Partizanit: Skuadra nuk më përgjigjet

26 Shtator 2024, 15:39, Sport CNA

Sfida me Egnatian, habit trajneri i Partizanit: Skuadra nuk më

Trajneri i Partizanit, Aleksandr Veselinovic, foli për mediat, në prag të sfidës në kampionat ndaj Egnatias.

Ai vlerësoi maksimalisht kundërshtarin, por pret rezultat pozitiv nga skuadra e tij.

Ndër të tjera, Veselinovic deklaroi se skuadra nuk i përgjigjet ndonjëherë, por detyra e tij është që ta rregullojë këtë pjesë.

 “Prej një muaji që jam këtu, e kam ndjekur skuadrën e Egnatias, kanë disa kohë që luajnë së bashku, kompaktë, me konfidencë, kanë atë sistemin e tyre automatik të lojës. Përballë kemi një skuadër me mjaft kualitete.

Çdo skuadër ka dobësitë dhe pikët e forta, janë të ndryshme në çdo ndeshje, si Tirana dhe Egnatia janë të forta por të ndryshme në idetë e tyre. Duhet ta përgatisim këtë ndeshje si gjithmonë, pasi kemi një kundërshtar të fortë. Koha dhe ajo që tregon fusha e lojës mund të na sjellë surpriza, duhet një skuadër e përqendruar për 90 minuta për t’i bërë ballë Egnatias.

Është problem pjesa e golit dhe nuk ka rëndësi kush synon, nëse një sulmues duhet të shënojë 17 ose 20 gola është më e mira që të jenë të shpërndarë ti bëjnë 4 ose 5 lojtarë. Ne duhet të punojmë dhe kemi strategjinë tonë për të zhvilluar ndeshjen pasi sapo kemi shënuar kundër Laçit dhe Dinamos ne e kemi pësuar. Kërkoj që në fushë të kem një skuadër kompakte dhe në një linjë. Skuadra në disa raste nuk më përgjigjet, por kjo është puna ime që ta përmirësoj. Kemi respekt për çdo rival, për mua është e rëndësishme që djemtë e mi të luajnë së bashku. Ka disa ndeshje që mund t’i fitosh dhe me fat, dhe mesazhi im është që duhet vetëm punë, punë, punë”, deklaroi ai.





Lajmet e fundit nga