web counter
LEXO PA REKLAMA!

SHKARKO APP

App Store
Google Play

Ish-mbrojtësi i Real Madrid e mbyll me futbollin, merr një pozicion te klubi i Serie A

26 Shtator 2024, 08:10, Sport CNA
Ish-mbrojtësi i Real Madrid e mbyll me futbollin, merr një pozicion te
Ramos, Varane, Casemiro, Burimi: X.com

Raphaël Varane “var këpucët në gozhdë” në moshën 31-vjeçare.

Mbrojtësi francez njoftoi përmes rrjeteve sociale që ka vendosur që të tërhiqet nga futbollit aktiv.

Fituesi i Kupës së Botës me Francën, deklaroi përmes rrjeteve sociale se nuk do të vazhdojë të jetë më pjesë aktive e fushës së blertë, megjithatë do të vazhdojë rrugëtimin e tij në botën e futbollit, me Varane që do të marrë një pozicion te klubi i Como-s.

“Njerëzit thonë se të gjitha gjërat e mira duhet të kenë një fund. Në karrierën time kam marrë përsipër shumë sfida, rast pas rasti, pothuajse të gjitha supozohej të ishin të pamundura. Emocione të pabesueshme, momente të veçanta dhe kujtime që do të zgjasin një jetë. Duke reflektuar mbi këto momente, me krenari të pamasë dhe një ndjenjë përmbushjeje po shpall tërheqjen time nga loja që të gjithë e duam. Dhe kështu, një jetë e re fillon jashtë fushës. Unë do të qëndroj me Como-n. Vetëm pa përdorur këpucët e mia. Diçka për të cilën mezi pres të flas më shumë së shpejti”,-shkruan Raphaël Varane.

Në karrierën e tij francezi ka luajtur për klube të rëndësishme, si Real Madri apo Manchester United, teksa karrierën e mbylli me Como-n në Serie A./CNA





Lajmet e fundit nga