web counter
LEXO PA REKLAMA!

SHKARKO APP

App Store
Google Play

E fundit!

x

Gati firma, Broja mund të vihet nën urdhrat e trajnerit italian

25 Shtator 2024, 14:29, Sport CNA

Gati firma, Broja mund të vihet nën urdhrat e trajnerit italian

Tek Evertoni ka nisur një epokë e re. Klubi anglez ka kaluar në pronësinë e amerikanëve të grupit “Friedkin”.

Këta të fundit kanë nisur menjëherë punën dhe ndryshimi i trajnerit, mund të jetë lëvizja e parë.

Sipas raportimeve nga Italia, drejtuesit që kanë në pronësi edhe Romën, po mendojnë që në stolin e Evertonit të emërojnë trajnerin Maurizio Sarri.

Ky i fundit është i lirë, pas largimit nga Lazio dhe po përgatitet për një rikthim në Premier League, ku më parë ka drejtuar Chelsea-n.

65-vjeçari gjendet në ‘pole-position’ për të pasuar në këtë detyrë Dyche, teksa do të ishte lëvizja e parë e rëndësishme e projektit të presidencës amerikane.

Familja ‘Friedkins’ janë gati të revolucionarizojnë skuadrën, e cila pas 5 javësh kampionat gjendet në vendin e fundit të renditjes. Ecuri që ka shtuar frikën e rënies nga kategoria në fund të sezonit.

Nëse kjo do të realizohej, atëherë sulmuesi i Kombëtares, Armando Broja, i cili u transferua tek Everton, do të drejtohej nga një emër i njohur si Sarri. Gjithçka pritet të qartësohet në ditët e ardhshme.





Lajmet e fundit nga