web counter
LEXO PA REKLAMA!

SHKARKO APP

App Store
Google Play

Dëmtimet dhe kartonët, probleme për Elbasanin para Bylisit

24 Shtator 2024, 13:55, Sport CNA

Dëmtimet dhe kartonët, probleme për Elbasanin para Bylisit

Elbasani e ka nisur sezonin e ri në Superiore në mënyrën më të mirë të mundshme. Të rikthyer nga Kategoria e Parë, verdheblutë po bëjnë shumë mirë në elitë, duke marrë rezultate pozitive dhe mbajnë vendet e para në renditje.

Megjithatë, një problem për Elbasanin në këtë fillim sezoni janë dëmtimet e shumta. Pesë futbollistë janë në dyshim për sfidën e radhës në kampionat, atë ndaj Bylisit.

Sulmuesi kryesor Ze Gomesh, vuan një dëmtim dhe prezenca e tij ndaj ballshiotëve nuk është e sigurt.

Portugezi mungoi në ndeshjen e fundit ndaj Egnatias, ndërsa në dy takimet më parë, ishte shumë i rëndësishëm për skuadrën e Bordin, duke shënuar golin e fitores ndaj Laçit dhe atë të barazimit ndaj Tiranës.

Ze Gomesh është kthyer në një pikë kyçe për formacionin e Elbasanit dhe stafi shpreson ta rikuperojë sa më shpejt.

Në dyshim janë edhe Bedri Greca me Edon Hasanin, të cilët gjithashtu vuajnë dëmtim në këtë javë të parë.

Mungesë e rëndësishme në sfidën e javës së shtatë do të jetë edhe ajo e një tjetër titullari. Bruno Lulaj u ndëshkua me karton të verdhë ndaj Egnatias, duke plotësuar numrin e kartonëve dhe do të jetë jashtë ndaj Bylisit.

Pas gjashtë javëve të para kampionat, Elbasani renditet në vendin e tretë, me 9 pikë të grumbulluara, ndërsa sfida e radhës në Ballsh është planifikuar të luhet ditën e diel në orën 16:00.





Lajmet e fundit nga