web counter
LEXO PA REKLAMA!

SHKARKO APP

Vlahovic: Mungesa e golave? Nuk vendos limite, s’isha i lumtur as në sezonin kur shënova 24 herë

26 Shtator 2024, 15:54, Sport CNA
Vlahovic: Mungesa e golave? Nuk vendos limite, s’isha i lumtur as në
Dusan Vlahovic, Juventus

Në prag të ndeshjes ndaj Genoa-s që luhet këtë të shtunë në kuadër të javës së gjashtë të Serie A, sulmuesi i Juventus-it, Dusan Vlahovic deklaron se ai nuk kënaqet kurrë me veten, pavarësisht sa gola shënon. 

Duke folur për mediet përpara kësaj sfide, sulmuesi i "Zonjës së Vjetër" theksoi se nuk ka qenë i lumtur as në sezonin kur realizoi 24 gola, e jo më kur nuk shënon.

"Unë nuk i vendos kufij vetes, gjithmonë kërkoj më shumë. Nuk kam qenë kurrë i lumtur, as në sezonin kur shkova nga Fiorentina te Juventus dhe shënova 24 gola. Gjithmonë mendoj se do të jetë një duel kundër vetvetes. Megjithatë, këtë vit do të jetë një kampionat i vendosur nga detajet”-deklaroi Vlahovic.

Këtë sezon të Serie A, Dusan Vlahovic ka shënuar vetëm dy gola, të dy të realizuar në fitoren 0-3 të Juventus-it, në transfertën e Verona-s./CNA





Lajmet e fundit nga