web counter
LEXO PA REKLAMA!

SHKARKO APP

App Store
Google Play

Milan-Lecce çelin javën e gjashtë të Serie A/ Mungon Berisha, në pikëpyetje Ramadani

27 Shtator 2024, 09:02, Sport CNA
Milan-Lecce çelin javën e gjashtë të Serie A/ Mungon
Ylber Ramadani

Këtë të premte çelet java e gjashtë e Serie A, me kampionatin italian që rezervon një ndeshje shumë intersante.

Në orën 20:45 Milan do presë në “San Siro” ekipin e Lecce-s, në një përballje që pritet të jetë goxha e luftuar.

“Kuqezinjtë” vijnë në këtë takim pas fitores 1-2 në derbin ndaj Inter-it dhe janë mëse të motivuar për të vazhduar rrugëtimin e rezultateve pozitive.

Ndërkohë, nga ana tjetër ekipi i Lecce-s vjen pas dy javëve barazime në kampionat dhe kërkon rikthimin te fitorja, ndërsa këtë gjë synon ta arrijë përballë “Djallit”.

Sa u përket ndeshjeve të fundit përballë njëra-tjetrës, në pesë takime, tri i ka fituar Milan-i dhe dy prej tyre janë mbyllur në barazim.

Vlen të theksohet se këtë përballje të dyja skuadrat vijnë me mungesa të shumta, me Milan-in që ka të dëmtuar Bennacer, Calabria-n, Florenzi-n, dhe Sportiello-n, teksa në pikëpyetje janë edhe Morata e Thiaw.

Nga ana tjetër, Lecce vuan mungesën e Guilbert, Kaba, Gonzalez, Sansone dhe të mesfushorit të kombëtares shqiptare të futbollit, Medon Berishës.

Mbetet për t’u parë nëse në këtë ndeshje, me Lecce-n do të aktivizohet mesfushori tjetër “kuqezi”, Ylber Ramadani, pas përplasjes që pati me trajnerin Gotti./CNA





Lajmet e fundit nga