web counter
LEXO PA REKLAMA!

SHKARKO APP

App Store
Google Play

Lodhet me “yllin” e Real Madrid-it, Ancelotti: Rregullat kanë ndryshuar dhe kaq!

27 Shtator 2024, 10:45, Sport CNA
Lodhet me “yllin” e Real Madrid-it, Ancelotti: Rregullat kanë
Carlo Ancelotti

Trajneri i Real Madrid-it, Carlo Ancelotti, është duke u lodhur nga sulmuesi brazilian, Vinicius Junior.

24-vjeçari i “Los Blancos” prej kohësh është një nga lojtarët më të komentuar në La Liga dhe jo vetëm për formën e tij në fushën e blertë, por edhe për sjelljen që shfaq.

Pikërisht sjellja e “yllit” të Real Madrid-it ka bërë që tekniku italian të lodhet me të dhe të mos e ketë mes emrave të preferuar te skuadra e “Los Blancos”.

Këtë sezon, braziliani është ndëshkuar me tre kartonë të verdhë për shkelje të rregullave të reja, të cilat e thonë qartë se vetëm kapiteni i skuadrës lejohet të protestojë ndaj vendimeve të arbitrit për penallti, kartonë të kuq ose gola të anuluar.

Kjo situatë ka bërë që trajneri Carlo Ancelotti ta kritikojë Vinicus publikisht për reagimet e tij në fushë.

“Rregullat kanë ndryshuar dhe ne duhet të mësohemi me këtë. Duhet të shmangim protestat dhe kaq. Nuk është e drejtë apo e padrejtë. Ne duhet të përshtatemi me këtë”,-ka thënë Ancelotti.

Sipas medieve spanjolle, Ancelotti, djali i tij Davide dhe anëtarë të tjerë të stafit kanë folur me brazilianin për të përmirësuar sjelljen e tij në fushë, por kjo duket se ka rënë në vesh të shurdhër dhe një situatë e tillë duket se nuk do të ketë fund të lumtur./CNA

 





Lajmet e fundit nga