E fundit!

13:04 Aktualitet

Rikonstruktimi i Urgjencës në Lushnjë/ Korreshi: Dyshemeja si letër duhani, hekurat si fije shkrepëse

Deputeti i PD-së, Saimir Korreshi, ka denoncuar sërish pro...

ZYRTARE/ Cannavaro do të drejtojë sulmuesin e Shqipërisë

31 Dhjetor 2024, 15:04, Sport CNA

Fabio Cannavaro është trajneri i ri i Dinamos së Zagrebit. Legjenda italiane, fitues i Kupës së Botës në vitin 2006 dhe i "Topit të Artë", ka marrë drejtimin e skuadrës së njohur kroate. Ky emërim shënon një rikthim të rëndësishëm në stolin e një klubi europian, pas eksperiencave të tij më të mëparshme si trajner në Itali, Kinë dhe Lindjen e Mesme.

Cannavaro, i cili së fundmi drejtoi për një periudhë të shkurtër Udinesen në Serinë A, ka një histori të pasur në botën e futbollit. Si trajner, ai ka pasur disa sfida interesante, përfshirë një periudhë si menaxher i përkohshëm i ekipit kombëtar të Kinës dhe eksperienca me klubet si Al-Nassr në Arabinë Saudite dhe Guangzhou Evergrande në Kinë, ku ai fitoi trofe të rëndësishëm.

Te Dinamo Zagreb, ai do të ketë një detyrë të vështirë. Klubi është aktualisht në vendin e tretë në kampionatin kroat, shtatë pikë pas liderit të tabelës, Rijekës. Nenad Bjelica, paraardhësi i tij, u shkarkua pas një serie rezultatesh të dobëta, duke lënë skuadrën në një situatë aspak komode. Për më tepër, Dinamo është e fundit në në fazën play-off të Champions League, një tregues i sfidave të mëdha që Kanavaro duhet të përballojë në të ardhmen e afërt.

Emërimi i tij mund të ndikojë edhe te lojtari shqiptar që është pjesë e Dinamos, Arbër Hoxha. Anësori i kombëtares shqiptare ka pasur një sezon të vështirë, shpesh duke filluar ndeshjet nga stoli. Megjithatë, ai ka dhënë një kontribut me 2 gola dhe 1 asist në 16 paraqitjet e tij deri tani. Për Hoxhën, ardhja e një trajneri me përvojë si Kanavaro mund të jetë një mundësi e artë për të gjetur më shumë hapësirë dhe për të treguar vlerat e tij në fushë.

Debutimi iCannavaro si trajner i Dinamos do të jetë më 22 janar, kundër një kundërshtari të fortë si Arsenali, në Champions League. Ky takim pritet të jetë një provë e rëndësishme për italianin dhe ekipin e tij, duke shënuar fillimin e një kapitulli të ri për të dyja palët. Për Dinamon, ky është një moment vendimtar për të rikthyer ambiciet e saj në nivelet më të larta, ndërsa për Kanavaron, është një shans për të provuar veten si një trajner i aftë për të udhëhequr skuadra të mëdha në arenën europiane.