web counter
LEXO PA REKLAMA!

SHKARKO APP

App Store
Google Play

Zbulohet plani i Milanit për merkaton e verës

15 Qershor 2023, 09:41, Sport CNA

Nuk ka ende negociata të vërteta, por takimi i djeshëm mes Milanit dhe menaxherit të Samuel Çukvueses, anësorit të Vijarealit, i lindur në vitin 1999, i shërbeu kuqezinjve për të marrë informacion të detajuar mbi shifrat dhe kushtet e marrëveshjes.

Kjo është raportuar nga faqja e internetit “SkySport”, e cila shton se nigeriani, të cilit i skadon kontrata në vitin 2024 me klubin spanjoll, tashmë do të kishte dhënë miratimin e tij për transferimin nën urdhrat e Stefano Piolit.

Flitet se ka një vlerësim rreth 25 milionë eurosh, por shifra është e destinuar të ulet, duke parë se i mbeten më pak se 11 muaj kontratë.

Edhe në 2020 pranë Milanit kur ishte ende te Herta, por tashmë interesi është më i lartë për Lazar Samarxhiçin. 21-vjeçari ka luajtur me Udinezen në dy sezone, por veçanërisht në të fundit, ai është bërë element kryesor në skuadrën e Andrea Sotil, duke grumbulluar 37 paraqitje në Serinë A me 5 gola dhe 4 asiste aktive.

Për lojtarin gjerman me origjinë serbe në garë është edhe Napoli, që ka parë të refuzohet një propozim prej 15 milionë eurosh, ndaj sforco ekonomike e Milanit duket se do të duhet të tejkalojë 20 milionë eurot.

Sipas “La Gazzetta dello Sport” Milani ka nisur të ndjekë Tiago Almadën. I lindur në vitin 2001, argjentinasi, në formacionin e Stefano Piolit – në mënyrë të pashmangshme – ai do të luante si fantazist, pavarësisht se mund të përdoret edhe në të dyja korsitë.

Një lojtar teknik, i shpejtë që ka një të djathtë me të cilën di ta çojë topin kudo. I konsideruar prej vitesh një talent i madh i Amerikës së Jugut dhe sidomos Argjentinës, deri më tani, karriera e tij ka pasur një rrugë të çuditshme, pavarësisht se është kampion bote në fuqi.





Lajmet e fundit nga