LEXO PA REKLAMA!

SHKARKO APP

E fundit!

x

Liga e Kombeve/ Triumf pas 120 minutash, Kroacia mposht Holandën dhe kap finalen

14 Qershor 2023, 23:41, Sport CNA

Kroacia është finalistja e parë e këtij sezoni në Ligën e Kombeve. Skuadar e Zlatko Daliç ka mundur me shifrat 4-2 pas kohëve shtesë Holandën, në ndeshjen e luajtur në Roterdam.

Vendasit kaluan në avantazh në pjesën e parë me Malen dhe dukej se mund të siguronin vendin në finalen e këtij aktiviteti ku janë pritës. Por në pjesën e dytë, Kroacia nisi të dhuronte një lojë shumë më të mirë ofensive dhe mori kontrollin e plotë, duke shënuar barazimin me penalltinë e Kramariç, e më pas edhe avantazhin me Pasaliç.

Holandezët u hodhën të dëshpëruar në sulm dhe në fund, në minutën ë 96-të, barazuan shifrat për të çuar sfidën në kohët shtesë.

Por aty ishte përsëri skuadra e Daliç që dominoi plotësisht “tulipanët” e Kuman, të përgjumur në mbrojtje pasi Van Dajk & Co. bënë gabim pas gabimi, duke i dhënë mundësinë Petkoviç të shënonte dhe më pas të fitonte penalltinë me të cilën Modriç vulosi suksesin 4-2.

Lajmet e fundit nga