web counter
LEXO PA REKLAMA!

SHKARKO APP

App Store
Google Play

E fundit!

x

Prapaskenat për largimin e Latifit/ Vllaznia i uli pagën, ja sa i ka ofruar Tirana

14 Qershor 2023, 17:10, Sport CNA

Prapaskenat për largimin e Latifit/ Vllaznia i uli pagën, ja sa i ka

Liridon Latifi nuk është më një lojtar i Vllaznisë. Klubi kuqeblu zyrtarizoi ndarjen e rrugëve me kosovarin, pas dy vitesh në Shkodër. Sezoni i fundit nuk ishte fare entuziast, me lojtarin shpesh viktimë e dëmtimeve dhe rikuperimeve të vështira të formës. E kështu pas vetëm 23 ndeshjesh në të gjitha kompeticionit, Latifi e mbylli me 3 gola e 1 asist: shifra aspak optimiste për për një lojtar paga e të cilit rëndon më shumë se e gjithë të tjerëve në arkat e klubit.

Në pozita të tilla, Vllaznia luajti me ulje, duke i ofruar rinovimin lojtarit me kushte të pranueshme për performancën e vitit të fundit. Sipas asaj që filtron nga klubi kuqeblu, oferta e bërë nga shkodranët ishte 6500 euro në muaj, në kohën kur menaxheri i lojtarit, i ati, pretendonte 11. Shumë për një lojtar që nuk arriti të bënte diferencën në Loro Borici dhe nuk u tregua asnjëherë i madh sa emri që kishte. Në këtë pikë divorci ishte i pashmangshëm, por kush priste që Latifi të firmoste menjëherë me klubin e ri, duhet të zhgënjehet.

Pikërisht kërkesa e lartë financiare ka bërë që edhe Tirana të stepet, me bardheblutë që janë të vetmit në Superiore në kontakt të vazhdueshëm me lojtarin. Latifi ka refuzuar propozimin e parë prej 8 mijë euro në muaj, por kryeqytetasit nuk kanë ndërmend të shkojnë me rritje përtej kësaj shifre. E në kushtet aktuale, sulmuesi duhet të bëjë një reflektim, sepse nëse nuk mbërrin ndonjë ofertë nga jashtë, vështirë se dikush në Superiore mund të paguajë të tillë shifër për një lojtar që ka luajtur vetëm 1087’ gjithë sezonin.





Lajmet e fundit nga