web counter
LEXO PA REKLAMA!

SHKARKO APP

App Store
Google Play

E fundit!

x

Dokumentari i Agollit, flasin Duka dhe Duro: Në fushë kishte “sparkatë”, jashtë saj djalë i shkëlqyer

13 Qershor 2023, 21:02, Sport CNA

Dokumentari i Agollit, flasin Duka dhe Duro: Në fushë kishte

Presidenti i Federatës Shqiptare të Futbollit, Armand Duka foli për SuperSport në lidhje me dokumentarin e Ansi Agollit, të titulluar “Historia Ime”, premiera e të cilit do të jetë në SportNews duke nisur nga ora 21:00. Presidenti u shpreh se Agolli është një djalë i shkëlqyer, ndërsa theksoi se nervat e fillimit të karrierës, nisi t’i menaxhonte më mirë me kalimin e kohës.

“Ansin e kam njohur gjatë gjithë karrierës dhe kam pasur shumë respekt për atë që ka transmetuar në fushë fhe jashtë saj. E kanë vlerësuar të gjithë dhe ka arritur shumë herë kulmin në karrierë, është brez i lojtarëve që shkuan në Europian, e bënë këtë me dinjitet. Ka qenë për shumë vite pjesë e kombëtares, një djalë i shkëlqyer dhe shembull për t’u ndjekur. Familjar i mirë dhe ka gjithë notat më të mira.

Në fillimet e karrierës ka qenë pak nevrik, merrte kartona, por e korrigjoi. Jo duke u bërë tolerant, por duke qenë brenda rregullave. Jashtë fushe është djalë i drejtëpërdrejtë dhe me zeemër të bardhë”, tha Duka.

Sakaq, për gazetarin e SuperSport, Jurgen Zela u ndal të fliste edhe ish-mesfushori i kombëtares Klodian Duro i cili theksoi se Agolli brenda fushe ishte ndryshe nga Agolli jashtë fushës.

“Ansi jashtë fushe ishte e kundërta, se aty kishte grintë dhe sparaktë. Jashtë fushe ishte i qetë, kishte vlera. Kemi shumë momente të bukura, për një kohë jo të pakët ndanim edhe dhomën bashkë në grumbullimet e kombëtares. Ka shumë gjëra për të treguar, por dokumentari do të flasë vetë”, u shpreh Duro.





Lajmet e fundit nga