web counter
LEXO PA REKLAMA!

SHKARKO APP

App Store
Google Play

E fundit!

x

Formacioni i vitit, Andi Lila zgjedh 11 titullarët dhe trajnerin më të mirë të Superiores

14 Qershor 2023, 15:36, Sport CNA

Formacioni i vitit, Andi Lila zgjedh 11 titullarët dhe trajnerin më

Me mbylljen e sezonit, tashmë është koha edhe për formacionin më të mirë të gjithë vitit dhe Andi Lila zgjedh 11 lojtarët që sipas tij kanë spikatur më shumë së bashku me trajnerin.

Skema e zgjedhur është 4-2-3-1, dhe trajneri më i mirë është zgjedhur Edlir Tetova që shkroi historinë me Egnatia, duke e kualifikuar në kupat e Europës, por pa harruar triumfin në Kupën e Shqipërisë.

Në portë, zgjidhet Pano Qirko, portieri i Teutës që mbajti portën të paprekur në 16 ndeshje, më shumë se kushdo tjetër. Në mbrojtjen me  katër, krahu i djathtë është i Andi Hadrojit, mbrojtësit të Partizanit, sezoni i të cilit kulmoi me titullin kampion dhe një ftesë në Kombëtaren e Shqipërisë. Në qendër dyshja Gurishta nga Vllaznia dhe Najdovski i Tiranës, ndërsa në krahun e majtë, është zgjedhur Musta i Egnatias.

Në mesfushë, ka hapësirë për një tjetër kampion, Massanga Matondo që ishte një pikë kyçe për Partizanin drejt triumfit në këtë sezon. Në krahun e tij është edhe Albano Aleksi, një tjetër pikë kyçe, por këtë herë për Orges Shehin që e mbylli në vendin e dytë me Tiranën.

Treshja pas sulmuesit kryesor përbëhet nga golashënuesi i këtij edicioni të “Abissnet Superiore”, Florent Hasani që realizoi 16 gola, më shumë se kushdo tjetër. Arianldo Rrapaj nga Partizani është lojtari i zgjedhur në qendër, ndërsa në krahun e djathtë golashënuesi i Partizanit, Victor Da Silva që shkëlqeu sidomos në pjesën e dytë të sezonit.

Ndërkohë që në sulm i vetëm është Raphael Dwamena, sulmuesi i Egnatias që u afrua në janar dhe tregoi menjëherë se ishte një nivel shumë i lartë. Që prej transferimit të tij, sulmuesi nga Gana mori për krahu Egnatian në këtë arritje historike duke realizuar 11 gola.

Formacioni i vitit, Andi Lila zgjedh 11 titullarët dhe trajnerin më





Lajmet e fundit nga