web counter
LEXO PA REKLAMA!

SHKARKO APP

E fundit!

x

Vllaznia me probleme, Osmani në hall për formacionin ndaj Skënderbeut

19 Dhjetor 2023, 10:43, Sport CNA

Vllaznia do të presë Skënderbeun në “Loro Boriçi”, takim i cili është i vlefshëm për javën e 18-të. Kjo përballje do të luhet ditën e premte në orën 17:00. Shkodranët në këtë sfidë vijnë të motivuar, teksa ia kanë dalë të fitojnë në dy takimet e fundit.

Por jo çdo gjë shkon në favorin e tyre. Qatip Osmani është me “dhimbje koke” dhe në “hall” për këtë duel. Timonieri i kuqebluve do të vuajë mungesën e dy prej titullarëve. Kartonët u “presin krahët” kuqebluve, pasi dy futbollistë kryesorë do të jenë të pezulluar.

Bëhet fjalë për Esin Hakajn që u ndëshkua me karton të kuq sapo gjyqtari mbylli klasiken e Shqipërisë, ndërsa Gerald Smajli u ndëshkua po ndaj Tiranës me karton të verdhë dhe ka plotësuar kështu numrin 4 të tyre.

Në këtë mënyrë, Osmani do të duhet të improvizojë formacionin në të dy krahët e mbrojtjes dhe duhet të gjejë zëvendësuesit e Hakajt dhe Smajlit.





Lajmet e fundit nga