web counter
LEXO PA REKLAMA!

SHKARKO APP

App Store
Google Play

E fundit!

x

Reja: Jam xheloz për trajnerin Silvinjo, kualifikimi i Shqipërisë është vazhdimësi e punës së mëparshme

18 Dhjetor 2023, 18:18, Sport CNA

I ftuar në mbrëmjen gala të FSHF-së, ish-trajneri i Shqipërisë, Edi Reja, foli edhe për kombëtaren kuqezi, që tashmë drejtohet nga Silvinjo. 
Sipas tij, kualifikimi në Europian, është vazhdimësi e punës së mëparshme. 

Ndiheni pak xheloz, që Shqipëria është kualifikuar?

Jo, aspak. Ishte një vazhdimësi e punës së nisur disa vite më parë. E gjeta Shqipërinë në një moment pak të vështirë dhe u munduam të ndryshojmë. Edhe kundërshtarët ishin më të fortë, pasi Polonia e këtij edicioni ishte më e dobët se ajo që u përballëm ne. Gjithsesi skuadra është cilësore dhe Silvinjo ka bërë një punë të mirë. Jam shumë i kënaqur që djemtë ia  dolën dhe jam edhe pjesërisht krenar për atë sukses të tyre.

Sa shanse ka Shqipëria me grupin e Europianit të Gjermanisë?

E kam thënë tashmë në intervista, që kundërshtarët e Shqipërisë duhet të bëjnë kujdes. Është një grup shumë i vështirë dhe të gjithë duhet të kenë kujdes nga Shqipëria, pasi mund të bëjë surprizën. Ja, këtu jam pak xheloz, pasi do të luajnë kundër Italisë, Kroacisë, e Spanjës dhe do të doja të isha. Megjithatë djemtë kanë cilësi dhe jam i sigurt që do të bëjnë një paraqitje dinjitoze.





Lajmet e fundit nga