web counter
LEXO PA REKLAMA!

SHKARKO APP

App Store
Google Play

E duan rivalët e Juventusit, Bonucci drejt rikthimit në Serinë A

18 Dhjetor 2023, 15:21, Sport CNA

Roma po mendon që të rikthejë në kampionatin italian Leonardo Bonuccin. Një hipotezë e bujshme, sepse dukej sikur mbrojtësi i kishte thënë lamtumirë Serisë A verën e kaluar, kur vendosi të transferohej në Gjermani tek Union Berlin.

Por verdhekuqtë e Mourinho-s po kërkojnë një përforcim për prapavijën në janar, pas dëmtimit të Smalling dhe grumbullimit të N'Dicka për Kupën e Afrikës. Sipas “Corriere dello Sport”, ish-lojtari i Juventusit duket profili ideal, pasi nuk ka nevojë për përshtatje me kampionatin italian dhe ka eksperiencën e duhur.

Kohët e fundit Bonucci ka deklaruar se transferimi në Gjermani “ishte një ndryshim i madh në jetë, pasi aty është vetëm”, duke iu referuar faktit që familja e tij qëndroi në Torino. Një rikthimi në Itali është më shumë se një hipotezë, pasi Union Berlin po kalon një moment të vështirë dhe lojtari nuk po gjen më hapësira në formacion (9 ndeshje të luajtura deri më tani mes kampionatit dhe kupave).

Ndërkohë që në kampin e Romës, përveç Bonucci-t, po studiohen edhe emrat e Arthur Theate (Rennes), Pablo Marì (Monza) dhe Oumar Solet (Salzburg) për mbrojtjen.





Lajmet e fundit nga