E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

VIDEO/ Aston Villa “leksion” Mançester Junajtid, Njukasëlli i pandalshëm

6 Nëntor 2022, 17:29, Sport CNA

VIDEO/ Aston Villa “leksion” Mançester Junajtid,

Aston Villa i bën një surprizë të bukur në debutim trajnerit Unai Emeri, teksa mposhtin në shtëpi me rezultatin 3-1, Mançester Junajtidin. “Djajtë e Kuq” nuk i rezistuan dot vrullit të vendasve dhe pësuan dy gola të shpejtë, të cilët erdhën brenda katër minutave, respektivisht në të 7-ën dhe të 11-ën. Ishte Bailey ai që hapi llogaritë e sfidës, teksa nuk gaboi përballë De Geas, ndërsa më pas, portieri spanjoll nuk kishte shumë për të bërë pas një goli të shkëlqyer nga goditja e dënimit nga ana e Lucas Digne.

Në fundin e pjesës së parë, u duk se Junajtid mund të ndryshonte fatet e ndeshjes teksa goditja e Luke Shaw u devijua gabimisht në portë nga ana e Ramsejt që shkaktoi në këtë formë një autogol. Gjithsesi, në fragmentin e dytë, Ramsej shleu gabimin pasi shënoi të tretin për të tijtë duke i falur një siguri të lartë shokëve të skuadrës. Deri në fund, shifrat nuk ndryshuan dhe pas kësaj humbje, Junajtid mbetet në vend të pestë me 23 pikë ndërsa nga ana tjetër, Aston Villa është e 14-ta me 15 pikë.

Në ndeshjen tjetër, Njukasëll konfirmoi formën e shkëlqyer me The Magpies që regjistrojnë triumfin e katërt radhazi në kampionat. Këtë herë “viktima” ishte Sauthempton që u dorëzua pa kushte në fushën e saj me rezultatin 1-4. Ai që zhbllokoi rezultatin ishte i zakonshmi Almiron në pjesën e parë, ndërsa në fraksionin e dytë, Wood, Willock dhe Guimaraes “vranë” shpresat e vendasve për një rezultat pozitiv. Pas këtij suksesi, Njukasëll ngjitet në vendin e tretë me 27 pikë, ndërsa Sauthempton renditet në vendin e 18-të me 12 pikë. Sakaq, sfida mes Uest Hem Junajtid dhe Kristal Palace u mbyll me rezultatin 1-2.