web counter
LEXO PA REKLAMA!

SHKARKO APP

App Store
Google Play

E fundit!

x

Çelsi sfidon sot Arsenalin. Abamejang: Mezi po pres!

6 Nëntor 2022, 10:17, Sport CNA

Tifozët e Arsenalit mezi po e presin ndeshjen e së dielës kundër Çelsit, jo vetëm për faktin e rivalitetit në derbi, por edhe se përballë do të jetë ish-kapiteni i tyre, Pierr-Emerik Abamejang.

Kryesuesit e Premier Ligës vizitojnë “Stamford Bridge” ditën e nesërme me shpresën për të ruajtur diferencën me ndjekësit e Sitit +2.

Por ish-sulmuesi i tyre, i cili u transferua te Çelsi në merkaton e verës, do të jetë i motivuar për të ndalur progresin e “Topçinjve”.

Aventura e 33-vjeçarit në “Emirates” përfundoi në mënyrë të shëmtuar, me sulmuesin që iu hoq shiriti i kapitenit nga trajneri Arteta, përpara se spanjolli ta linte të largohej në janar drejt Barcelonës.

“Ai nuk mund të menaxhojë lojtarë të mëdhenj. Ai ka nevojë për lojtarë të rinj, të cilët nuk thonë asgjë. Ata vetëm dëgjojnë”, provokoi Auba pak ditë më parë.

Ndërsa pak orë përpara ndeshjes me Arsenalin, gabonezi i tërboi tifozët e Arsenalit me një tjetër mesazh përmes një videoje ku shkruhej: “Arsenal, asgjë personale.

U riktheva. Jam blu, jam gati. Le të shkojmë”. Tifozët e kanë sulmuar për mungesë respekti ndaj fanellës.

Trajneri i Çelsit, Graham Poter, në konferencën e djeshme për shtyp, komentoi në lidhje me motivimin e Obamejangut ndaj ish-skuadrës:

“Është një ndeshje e madhe, një derbi mes dy skuadrave të forta. Arsenali po luan shumë mirë dhe historia e bën një duel interesant për Aubën.

E shkuara është e shkuar, kështu që ne mezi po presim ndeshjen dhe do të përpiqemi të luajmë mirë. Mendoj se edhe ai mezi po e pret ndeshjen dhe është i emocionuar.

Ai është një djalë i qetë, por jam i sigurt se në ditën e ndeshjes do të jetë shumë i motivuar”.





Lajmet e fundit nga