“Transferimi im kushtoi 1.5 milionë dhrahmi”, rrëfimi emocionues i Kristi Vangjelit

5 Nëntor 2022, 15:50, Sport CNA

“Transferimi im kushtoi 1.5 milionë dhrahmi”, rrëfimi

Ish-mbrojtësi korçar, Kristi Vangjeli, ka dhënë së fundmi një intervistë speciale për mediat greke teksa ka rrëfyer hapat e para në karrierë. Tashmë në moshën 37-vjeçare, Vangjeli tregon se si familja e tij la Korçën për të emigruar drejt Greqisë si dhe të gjitha peripecitë që ka kaluar derisa u bashkua me Arisin e Selanikut.

“Kam filluar të luaj futbollin në vendlindjen time, Shqipëri. Që nga mosha 10-vjeçare, isha pjesë e akademisë së Skënderbeut, deri në 1997, kur prindërit e mi vendosën të shpërnguleshin në Greqi.

Unë doja të vazhdoja të luaja dhe Fotis Htazitheodorou, i cili ishte pjesë e Agios Georgios Nea Krinis, më ndihmoi ta bëja. Ai më pa të luaja në shkollë fillore dhe më sugjeroi të shkoja në stërvitje. Ai pa diçka tek unë dhe më tha: “Eja nesër, kemi një ndeshje”. Problemi i vetëm ishte që unë nuk kisha biletë dhe ai më bëri që të garoja dikë tjetër.

Në moshën 15-vjeçare, unë lëviza tek ekipi i parë. Marselo më ndihmoi të shkoja tek Aris në vitin 2001. Ai më shtyu mua të shkoja dhe të testohesha. Në atë kohë, Aris me dyshen Mishalitsos-Semertzidis sapo kishte fituar kampionatin dhe ishte e famshme për akademinë.

Unë shkova me mamanë time dhe ajo me Mishalitsosin ishin duke parë, teksa unë stërvitesha me Semertzidisin. Për dy javë u stërvita me Aris dhe luajta një ndeshje me Krinin. Në fund të sezonit unë u bleva nga ekipi nga Selaniku.

E kujtoj që transferimi im kushtoi 1.5 milionë dhrami. Por problemi ishte që unë nuk kisha një kartë indetiteti greke dhe kështu më duhej të luaja si i huaj, teksa zyrtarët më thanë se transferimi nuk mund të bëhej, edhe pse vëllai im luante për skuadrën e dytë të Paokut. E vetmja arsye përse ndejta me Jianis Mikshalitsos. Ai më përgatiti gjatë verës që të isha pjesë e skuadrës B”, u shpreh fillimisht Vangjeli.