web counter
LEXO PA REKLAMA!

SHKARKO APP

App Store
Google Play

Sulmuesi pret ftesën nga Anglia për Botërorin, federata e heton për baste të paligjshme

7 Nëntor 2022, 19:43, Sport CNA

Ivan Tonei shihej si një nga emrat e mundshëm në listën e Garet Sauthgejt për pjesëmarrjen në Botërorin 2022. Sulmuesi i Brentfordit ka qenë në formë dhe shihej si një alternativë e rëndësishme në repartin e avancuar pas paraqitjeve pozitive në Premier Ligë.

Por tashmë çdo gjë është komplikuar, pasi mediat britanike kanë zbuluar se lojtari është nën hetim nga federata angleze, pasi mendohet se ka vendosur baste për ndeshjet në skuadrat ku luante para se t’i bashkohej ekipit të Brentfordit. Një ngjarje e rëndë që mund të sjellë pezullimin e tij edhe nga klubi i Premier Ligës.

Megjithatë, vetë lojtari ka insistuar se është i pafajshëm dhe se vazhdonte të priste një ftesë nga Sauthegejt. “Jam në dijeni të lajmit. Unë i kam dhënë asistencën time të plotë federatës në hetimin e saj. Nuk do të lëshoj asnjë koment tjetër derisa hetimi të mbyllet. Ëndrra ime që fëmijë është të luaj për vendin tim në një Botëror”, shkruante lojtari në një postim në rrjetet sociale.





Lajmet e fundit nga