web counter
LEXO PA REKLAMA!

SHKARKO APP

App Store
Google Play

Skënderbeu-Flamurtari/ Dominim i korçarëve, por pjesa e parë mbyllet pa gola (VIDEO)

7 Nëntor 2022, 16:51, Sport CNA

Skënderbeu-Flamurtari/ Dominim i korçarëve, por pjesa e

Është mbyllur në barazim pa gola, pjesa e parë në sfidën e Kategorisë së Parë, mes Skënderbeut dhe Flamurtarit, e vlefshme për javën e nëntë.

Korçarët ishin më dominues në pjesën e parë, ku kishin tre raste të pastra për shënim, dy herë me Pusin dhe një herë me Liçon.

Protagonist në këtë pjesë të parë, ishte portieri i Flamurtarit, Kaloshi, i cili në të tre rastet i mohoi golin Skënderbeut.

Priten edhe 45 minuta të luftuara, ku të dyja skuadrat do të kërkojnë fitoren.  

HT SKËNDERBEU-FLAMURTARI 0-0

KOMENTI LIVE:

45′ Jepet 1 minutë shtesë në fund të pjesës së parë.

38’ Liço ndëshkohet me karton të verdhë pas një faulli ndërsa më pas edhe Shkalla pasi e tepron me reagimin e tij nga mesfushorit të Skënderbeut.

35’ Aksionet zhvendosen nga njëra zonë në tjetrën, por gjuajtjet në portë përsëri janë me pikatore, sidomos nga skuadra vlonjate e cila nuk ia del që të vërë në vështirësi Ruçin.

31’ Liço ekzekuton një goditje dënimi ballore por Kaloshi i përgjigjet mirë tentativës së tij me të majtën.

27’ Tjetër grushtim i Kaloshit ndaj gjuajtjes së Pusit nga e djathta, duke shmangur një gol të sigurt për ekipin korçar.


19’ Gjuajtja e parë e rrezikshme në portë vjen nga Skënderbeu me Pusin i cili gjuan me kokë, por detyron Kaloshin të devijojë sferën mbi traversë.


11’ Skënderbeu më kërkues në minutat e para, duke provuar të rrezikojë në disa raste nga krahu i majtë.

4’ Hysolli ndëshkohet shpejt me karton të verdhë për një mbajtje nga fanella.

Straton sfida!





Lajmet e fundit nga