web counter
LEXO PA REKLAMA!

SHKARKO APP

App Store
Google Play

E fundit!

x

Suarez, në lot: Është një lamtumirë, nuk do të luaj më këtu!

7 Nëntor 2022, 15:41, Sport CNA
Suarez, në lot: Është një lamtumirë, nuk do të
Luis Suarez

Sulmuesi uruguaian, Luis Suarez, u largua nga Klubi Nacional i Futbollit pasi mori titullin e lakmuar të futbollit vendas.

Me lot në sy dhe si gjithmonë i shoqëruar nga familja, sulmuesi uruguaian u ngjit në podium për të falënderuar të gjithë tifozët e skuadrës dhe anëtarët e stafit drejtues dhe teknik.

“Është një lamtumirë, nuk do të luaj më këtu, por do të kthehem një ditë në klub. Ka ardhur koha dhe në radhë të parë dua t’ju falënderoj për gjithçka, siç e thashë disa kohë më parë, jam kthyer për shkakun tuaj dhe sepse doja të kthehesha.

Secili prej jush duhet të vazhdojë të jetë krenar që jemi në një nivel të klasit botëror dhe njerëzit flasin për atë që kanë bërë tifozët e Nacional dhe kjo është merita juaj. Dua të falënderoj bashkëlojtarët e mi. Unë marr me vete kujtimin e të gjithëve dhe dua të falënderoj tre fëmijët e mi të mrekullueshëm që më ka falur gruaja ime”, tha Suarez në lot.

Kështu përfundon ky kapitull mes Luis Suarez dhe klubit si futbollist, pasi ashtu siç tha edhe ai nuk përjashtohet që në një të ardhme të rikthehet në një detyrë tjetër me klubin e tij të fëmijërisë.





Lajmet e fundit nga