web counter
LEXO PA REKLAMA!

SHKARKO APP

App Store
Google Play

E fundit!

x

Tre gola nga këmbët e Xhixhës. Sylvinho e la jashtë Kombëtares, ish-sulmuesi i Tiranës shkëlqen me Qarabag

28 Maj 2023, 20:39, Sport CNA

Redon Xhixha ishte protagonisti absolut ditën e sotme në ndeshjen që Qarabag zhvilloi me Turan Tovuz të fituar me rezultatin 3-1. Shqiptari ishte i përfshirë në të 3 golat.

Ish-sulmuesi i Tiranës e nisi nga minuta e parë dhe menjëherë gjeti rrugën e rrjetës në minutën e 2-të. Pas një krosimi të shokut të skuadrës në mesin e zonës, Xhixha do të bënte rolin e bomberit ku do të arrinte i pari te topi për ta shtyrë në fundin e rrjetës.

Në golin e dytë, 24-vjeçari do të ishte asistuesi teksa pas një dueli të fituar jashtë zone, pason mjaft bukur për Andrade që do ta dërgonte më pas prapa portierit. I treti do të ishte një aksion shumë i bukur i Xhixhës. Pasi driblon kundërshtarët, futet në zonë dhe godet me të majtën por fatkeqësisht portieri devijon topin që më pas shtyhet në portë nga Qurbanli.

Xhixha nuk u ftua nga trajneri Sylvinho për ndeshjet e qershorit pasi nuk ka pasur shumë hapsira por ky gol i fundit, sigurisht rrit më shumë kuotat e tij. Pas largimit nga Tirana, Xhixha hasi vështirësi në ambientim dhe te Qarabag presin që sulmuesi të shpërthejë vitin e ardhshëm kur të ketë bërë edhe fazën parasezonale me skuadrën.





Lajmet e fundit nga