web counter
LEXO PA REKLAMA!

SHKARKO APP

App Store
Google Play

E fundit!

x

Tirana me 3 mungesa ndaj Laçit, Fagu: Ta harrojmë derbin, duam katërshen

3 Maj 2024, 12:56, Sport CNA

Tirana me 3 mungesa ndaj Laçit, Fagu: Ta harrojmë derbin, duam

Trajneri i Tiranës, Erbim Fagu, foli për mediat në prag të sfidës që skuadra e tij do të luajë këtë të shtunë ndaj Laçit në transfertë.

Fagu zbuloi tri mungesa të rëndësishme, ndërsa deklaroi se do të kërkohet me çdo kusht fitorja, për të synuar katërshen e parë.

“Gjendja e ekipit është e mirë, kemi një dëmtim të Latifit dhe dy mungesa për shkak kartonësh, Jonuzi dhe Lushkja. Pjesa tjetër është e gatshme për sfidën. Derbi me Partizanin tashmë është e kaluar, sigurisht na erdhi keq për pikët e lënë, por kemi edhe 3 ndeshje të tjera po aq të rëndësishme sa derbi. Do të bëjmë maksimumin për të marrë pikët dhe për të arritur objektivin.

Ne nuk po bëjmë llogaritë çfarë ka kaluar, do mendojmë për nesër, shpresoj të marrim 3 pikët dhe të arrijmë objektivin. Ne do bëjmë punën tonë, se çfarë bëjnë kundërshtarët kjo do shihet në fund, e rëndësishme është që skuadra të bëjë maksimumin. Ne shikojmë përpara, është shumë e rëndësishme ndeshja në Laç për të menduar për Vllazninë dhe Egnatian. Në çdo javë që do të luajmë çdo skuadër ka objektivin e saj, nuk ka kundërshtar të lehtë. Çdo lojtar luan për veten e tij dhe për skuadrën”, deklaroi Fagu.





Lajmet e fundit nga