web counter
LEXO PA REKLAMA!

SHKARKO APP

App Store
Google Play

E fundit!

x

"Buzëqesh" Silvinjo, lajme të mira për dy mesfushorët nga Seria A

2 Maj 2024, 11:10, Sport CNA

"Buzëqesh" Silvinjo, lajme të mira për dy

Interi siguroi titullin kampion në Serinë A dhe trajneri Inzaghi, pritet t’i japë më shumë minuta lojtarëve të stolit, për ndeshjet e mbetura.

Një nga ata që përfiton nga ndryshimet, është edhe mesfushori i Shqipërisë, Kristjan Asllani. Titullarët e Interit do të pushojnë për ndeshjen ndaj Sassuolos dhe në fushë, do të zbresin lojtarët me më pak minuta këtë sezon.

Te zikalërit është projektuar rrotacioni. Me Sassuolon, pritet të luajë nga minuta e parë, Asllani, i cili këtë sezon ka qenë alternativë e turkut, Hakan Çalhanoglu.

Shqiptari, ka treguar paraqitje të shkëlqyera, kur i është dhënë mundësia dhe tani mund të tregojë sërish vlerat e tij.

Një lajm i mirë ky para Europianit, aty ku Asllani është planifikuar si titullar me Shqipërinë. Minutat për lojtarët, gëzojnë së tepërmi edhe trajnerin Silvinjo, i cili gjatë kësaj kohe, ka qenë i shqetësuar për minutazhin e futbollistëve.

Një tjetër lajm i mirë vjen nga Italia për teknikun kuqezi. Mesfushori tjetër i Shqipërisë, Ylber Ramadani, ka kaluar dëmtimin që e mbajti jashtë fushave për tre javë.

Lojtari ka zbritur në fushë, ndërsa ka nisur stërvitjen i diferencuar. Ramadani me shumë mundësi nuk do të luajë këtë fundjavë me Leçen, por do të jetë i gatshëm nga java e ardhshme.

Te klubi italian, mesfushori është kthyer në një titullar të padiskutueshëm dhe shumë i rëndësishëm.





Lajmet e fundit nga