E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Skënderbeu, "ters" për Partizanin

1 Maj 2024, 12:15, Sport CNA

Sfidat mes Partizanit dhe Skënderbeut, gjithmonë kanë ngjallur interes të madh, kjo për shkak të rivalitetit mes tyre.

Dy skuadrat do të përballen këtë të shtunë, në një ndeshje ku objektiv është vetëm fitorja dhe marrja e tri pikëve.

Partizani vjen me moralin e lartë, pas fitores në derbin e kryeqytetit ndaj Tiranës. Të kuqtë, luftojnë për vendin e dytë, që mbahet nga Vllaznia me një pikë më shumë dhe duan triumfin ndaj korçarëve.

Sfida me Skënderbeun merr rëndësi të veçantë për “demat”, pasi ekipi i Gvozdenoviç, nuk njeh ende asnjë humbje këtë sezon ndaj kryeqytetasve.

Pritet të jetë një ndeshje e vështirë, kjo edhe për shkak të mungesave në radhët e Partizanit. Andi Hadroj, u ndëshkua me karton të kuq në derbi dhe nuk do të jetë i gatshëm për ndeshjen me Skënderbeun. Me shumë mundësi do të mungojnë edhe dy titullarë të tjerë, të cilët janë në dyshim për këtë takim. Bëhet fjalë për sulmuesin Tedi Cara dhe mesfushorin Gjelbrim Taipi. Të dy këta lojtarë, kanë shfaqur probleme dëmtimesh dhe nuk është e sigurt prezenca e tyre.

Ndryshe është situata në kampin korçar. Bardhekuqtë, vijnë në këtë takim pas dy fitoreve radhazi, ndaj Kukësit dhe Erzenit.

Skënderbeu synon vendin e katërt, që do i lejonte të synojnë titullin kampion. Ndaj Partizanit, bën punë vetëm fitorja, ndonëse trajneri Ivan Gvozdenovic, e di vështirësinë e madhe që ka kjo ndeshje.

Për këtë sfidë, lajmi i mirë për Skënderbeun, është se skuadra do të jetë e plotë dhe pa mungesa. Dyshimi i vetëm është për sulmuesin Ardit Nikaj, i cili mungoi në ndeshjen e fundit, për shkak të problemeve fizike.

Nuk priten ndryshime të shumta në formacionin e korçarëve, në krahasim me 11-shen, që ka zbritur në fushë për ndeshjet e fundit, ku kanë treguar edhe formë të kënaqshme sportive.

Ndeshja mes Partizanit dhe Skënderbeut, është planifikuar të luhet këtë të shtunë, duke nisur nga ora 16:00, paralelisht edhe me sfidat e tjera të Superiores, që do të luhen në të njëjtin orar.