web counter
LEXO PA REKLAMA!

SHKARKO APP

App Store
Google Play

E fundit!

x

Spektakli i garantuar/ Dortmund dhe PSG sfidohen sot për finalen e madhe

1 Maj 2024, 12:09, Sport CNA

Spektakli i garantuar/ Dortmund dhe PSG sfidohen sot për finalen e madhe

Borussia Dortmund pret në shtëpi skuadrën e Paris Saint Germain, në ndeshjen parë për gjysmëfinalen e Ligës së Kampioneve.

Pas grupeve, dy skuadrat do të përballen sërish mes tyre, por këtë herë, kanë një objektiv madhor, të kapin finalen e madhe.

Gjermanët e mbyllën grupin në vendin e parë, por në përballjen me parisienët, regjistruan një humbje dhe një barazim.

Verdhezinjtë njihen për mbështetjen e madhe në shtëpi dhe pritet të jetë një atmosferë elektrizuese.

Dy ekipet bëjnë lojë të hapur dhe sulmuese, diçka që garanton spektaklin për këtë përballje.

Përveç këtij sezoni, Dortmundi dhe PSG-ja, numërojnë edhe përballje të tjera mes tyre në të kaluarën.

Në vitin 2020, francezët ia dolën të kalojnë në çerekfinalen e Ligës së Kampioneve, pasi kaluan Borusian, me rezultatin e përgjithshëm 3-2. Atë sezon, skuadra parisiene, shkoi deri në finale, aty ku më pas u mposht minimalisht, nga një tjetër gjermane, Bayern Munich.

Dy ekipet, numërojnë edhe dy ndeshje të tjera në vitin 2010, në Eurpoa League, të cilat u mbyllën në barazim.

Për të mbërritur deri këtu, dy ekipet nuk e kanë pasur aspak të lehtë. Ekipi i Enriques, kaloi me shumë vështirësi skuadrën e Barcelonës, duke përmbysur disavantazhin e ndeshjes së parë.

Në krahun tjetër, edhe skuadra e drejtuar nga Terzic, hoqi një spanjolle, si Atletico Madrid.

Do të jetë një ndeshje e bukur dhe me luftë sportive deri në sekondat e fundit, por asgjë nuk do të mbyllet në këtë takim, pasi për tu luajtur është edhe ndeshja e kthimit në Francë, një javë më vonë.

Sfida mes Borussia Dortmund dhe Paris Saint Germain , është planifikuar të luhet mbrëmjen e kësaj të mërkure duke nisur nga ora 21:00, në stadiumin “Singal Iduna Park”.





Lajmet e fundit nga