web counter
LEXO PA REKLAMA!

SHKARKO APP

App Store
Google Play

E fundit!

x

Dortmund-PSG/ Enrique premton gola, Terzic: Nuk është e lehtë t'i ndalësh

30 Prill 2024, 18:50, Sport CNA

Kjo e mërkurë, rezervon një përballje interesante në gjysmëfinalen e Ligës së Kampioneve, sicc është ajo mes gjermanëve të Borussia Dortmund dhe francezëve të Paris Saint Germain.

Në konferencën për shtyp, trajneri i PSG-së, Luis Enrique, deklaroi se ekipi është në proces përmirësimi, ndërsa deklaroi se projekti është në fillimin e tij. Në lidhje me ndeshjen, tekniku spanjoll, tha se mund të ketë shumë gola.

“Nga koha kur kam ardhur këtu, kam ndjerë mbështetjen e lojtarëve dhe klubit, jemi në një proces përmirësimi. Ky është ende vetëm fillimi i këtij projekti.

Ka mbetur edhe një muaj përpara se të vijë fundi i sezonit dhe ne ende mund t’i fitojmë të katër kompeticionet, duhet t’i menaxhojmë mirë emocionet tona dhe nuk duhet ta shohim presionin si kërcënim.

Do të jetë një shfaqje shumë e mirë! Mund të ketë shumë gola falë aftësisë sonë për të hyrë në zonën kundërshtare.”, u shpreh Enrique.

Në krahun tjetër, trajneri i Borussia Dortmund, Edin Terzic, tha se kundërshtari është në kulmin e vet, ndërsa shtoi se ekipi i tij duhet të tregojë se është përforcuar nga përballja në grupe.

“Nuk është e lehtë që të ndalosh PSG-në. Mendoj se çdo kundërshtar synon të ndalojë Mbappe-në, por kjo nuk funksionon gjithmonë. Ne duhet të përgatitemi për gjithçka. E mira është se tashmë kemi kaluar shumë. Ne erdhëm në këtë fazë duke kaluar disa kundërshtarë të vështirë, por ne duhet të kemi besim në forcën tonë.

Në fazën e grupeve, ne zhvilluam një lojë shumë të ndryshme kundër PSG-së në stadiumin tonë. Ishte një ndeshje shumë e hapur në të cilën ishim pak më afër fitores. Francezët aktualisht janë në kulmin e tyre dhe ne duhet të tregojmë të njëjtën performancë që treguam në atë kohë, ne jemi të sigurt se do të tregojmë se jemi përmirësuar.”, deklaroi trajneri i Dortmund, Edin Terzic.





Lajmet e fundit nga