web counter
LEXO PA REKLAMA!

SHKARKO APP

E fundit!

x

NBA/ Indiana eliminon Milwaukee-n, zbulohet çifti gjysmëfinalist

3 Maj 2024, 12:32, Sport CNA

NBA/ Indiana eliminon Milwaukee-n, zbulohet çifti gjysmëfinalist

NBA ka zbuluar çiftin e parë gjysmëfinalist për fazën e “play off”-it, aty ku do të përballen Indiana dhe New York Knicks.

Këto dy ekipe do të duelojnë mes tyre për një biletë në finalen e Konferencës së Lindjes.

Indiana bëri surprizën e madhe, duke eliminuar favoritët e Milwaukee. Pakers, triumfuan në ndeshjen e gjashtë, duke e dërguar serinë e fitoreve në 4 me 2.

Suksesi 120-98, i siguroi vendasve kualifikimin për në gjysmëfinalen e “play off”-it. Indiana udhëhoqi ndeshjen që në fillim, ndërsa gjysmën parë e mbyllën me plus 12 pikë. 28 pikë e Lilard nuk i shërbyen për asgjë Milwaukee-t.

Në krahun tjetër, New York Knicks mposhti Philadelphia-n me rezultatin e ngushtë 118-115, për ta dërguar në 4-2 serinë e fitoreve. Brunson ishte protagonist absolut për miqtë në këtë sfidë duke realizuar 41 pikë dhe 12 assiste.

Pjesa e parë e përballjes ishte në ekuilibër, pas rezultatit 54-51 në favor të Philadelphia-s.

Ndeshja kishte shumë emocion dhe deri në sekondat e fundit fituesi nuk dukej i qartë. Në fund fati ishte me Knicks që morën fitoren e katërt në gjashtë sfida, duke prerë biletën për më tej.

Gjysmëfinalja pritet të jetë emocionuese dhe shumë e luftuar, pasi dy ekipet duan me çdo kusht kualifikimin për në finale.





Lajmet e fundit nga