web counter
LEXO PA REKLAMA!

SHKARKO APP

App Store
Google Play

E fundit!

x

Spikat Partizani-Skënderbeu, çfarë rezervon java e 34-t në Superiore

3 Maj 2024, 11:41, Sport CNA

Spikat Partizani-Skënderbeu, çfarë rezervon java e 34-t në

Kur kanë mbetur edhe tri javë nga fundi, gara në Superiore është bërë më e ashpër. Federata Shqiptare ka vendosur që java e 34-t të luhet të shtunën me orar të njëjtë për të gjitha takimet.  

Padyshim, sfida që spikat në këtë xhiro është ajo mes Partizanit dhe Skënderbeut. Dy ekipet njihen për rivalitetin e madh mes tyre dhe pritet të jetë një ndeshje e luftuar.

Vlen të përmendet se të kuqtë e kryeqytetit nuk njohin asnjë fitore këtë sezon ndaj korçarëve dhe duan të thyejnë mallkimin. Në krahun tjetër, Skënderbeu synon katërshen e parë dhe për këtë arsye e ka fitoren detyrim.

Ndeshje interesante është edhe ajo mes Vllaznisë dhe Dinamos, që do të luhet në Shkodër. Dinamovitëve u është kthyer në “makth” skuadra shkodrane, pasi nuk njohin asnjë fitore ndaj tyre këtë sezon. Spektakli në këtë takim, është i garantuar, për shkak të lojës së hapur që bëjnë dy ekipet.

Fitorja është detyrim edhe në ndeshjen Laçi-Tirana. Kryeqytetasit duan 3 pikët me çdo kusht, për të synuar katërshen e parë, ndërsa kurbinasit, duan t’i largohen vendit të tetë, për të shmangur “play out”-in. Padyshim, që nuk do të mungojë lufta sportive në këtë takim, që ka rëndësi të madhe për dy skuadrat.

Egnatia kryesuese do të luajë në një transfertë siç është ajo e Durrësit ndaj Teutës, ndërsa Erzeni përballet me Kukësin e rënë në Kategorinë e Parë.

Të pesta ndeshjet janë planifikuar të luhen të shtunën e 4 majit, duke nisur nga ora 16:00.  





Lajmet e fundit nga