web counter
LEXO PA REKLAMA!

SHKARKO APP

App Store
Google Play

E fundit!

x

Tifozi 16-vjeçar i Fenerbahces, pas 119 orësh del i gjallë nga rrënojat e tërmetit...

11 Shkurt 2023, 18:18, Sport CNA

Turqia po përpiqet të mbledhë copat, pas dy tërmeteve vdekjeprurëse, që goditën pjesën juglindore të saj. Vdekjet e konfirmuara në Turqi dhe Siri kanë kaluar 25.000 vetët, ndërsa mijëra njerëz mbeten të zhdukur nën rrënoja. 

Edhe në gjendjen më ogurzi, megjithatë, ka ardhur edhe lajmi i gëzueshëm i shpëtimit për mrekulli i një 16-vjeçari, i cili u nxorr i gjallë nga rrënojat, 119 orë pas goditjes së tërmetit.

Kamilcan Agdas arriti të qëndronte gjallë dhe u dërgua menjëherë në spital për të marrë ndihmën e nevojshme mjekësore, duke përhapur edhe pak shpresë dhe gëzim në komunitetin turk.

Fakti që bëri përshtypje shtesë është se 16-vjeçari kishte veshur fanelën e Fenerbahçes. E sipas gazetës “Sabah” që ka folur me të, shkak ka qenë se Kamilcan ka shkuar në shtrat me fanelën verdheblu, duke pritur me ankth ndeshjen e skuadrës së tij që ishte në ditën e nesërme.

Fenerbahçe nuk qëndroi indiferent ndaj fotos së zbuluar dhe i dërgoi mesazhin e tyre 16-vjeçarit Kamilcan përmes llogarive zyrtare në rrjetet sociale:

“Sonte, në orën 119, besuam edhe një herë në mrekulli! Kemi edhe shumë ndeshje përpara në sezon, ju presim Kamiljan.”





Lajmet e fundit nga