web counter
LEXO PA REKLAMA!

SHKARKO APP

App Store
Google Play

Përgjimet e reja, Kerubini: Edhe nëse blinim një qen, do ta paguanim 3.5 milionë

11 Shkurt 2023, 14:49, Sport CNA

Dalin në dritë përgjimet e reja nga hetimet e autoriteteve italiane, që kanë shkaktuar tronditje brenda futbollit italian, me pasoja të pashmangshme nga pikëpamja sportive. Subjekt i përgjimeve të reja janë tashmë ish-drejtuesit kryesorë të Juventusit, të cilët dhanë dorëheqjen në fund të nëntorit (përveç Kerubinit).

Fragmentet e reja raportohen nga “Corriere della Sera” dhe më i rëndëshmi ka të bëjë me të ardhmen e Federiko Kiezës.

Kerubini thotë se profili i Federiko Kiezës nuk duket si profili i një lojtari që mund të qëndrojë për shumë vite te Juvja, pasi përfaqësuesit e tij kërkojnë rritje të konsiderueshme page.

Një tjetër regjistrim i referohet një telefonate mes Andrea Anjelit dhe Xhon Elkan, në lidhje me një rikthim të mundshëm të Alesandro del Pieros në rangje drejtuese.

“Më i keqi ynë – tha Kerubini – fiton si më të mirët e Atalantës. Zapata merr 1.8 milionë… po të blinim një qen do t’i jepnim 3 milionë e gjysmë.

Ne ishim arrogantë në tregun e transferimeve, sepse Fabio (Paratici) i 5 viteve më parë nuk e merrte Higuain 90 milionë, do të merrte Gabriel Zhezusin 10 dhe do t’ia çonte vlerën 90 milionë”.

Ka vend edhe për një opinion nga Mauricio Arrivabenen për projektin Juventus Next Gen, skuadra që luan në Serinë C.

“Ideja që krijova është se kemi krijuar një bandë… Nuk dinim më ku t’i vendosnim lojtarët. Nuk ka fare besim te Di Fede (Kerubini) për skuadrën U-23 vjeç, ai ka një qasje shumë emocionale.”





Lajmet e fundit nga