web counter
LEXO PA REKLAMA!

SHKARKO APP

App Store
Google Play

“Shtatë tituj për dy vite”, Lautaro zbulon bisedën me Mesin: Ia bëra të qartë rëndësinë e grupit

11 Shkurt 2023, 09:50, Sport CNA

Lautaro Martinez u gëzohet titujve të fundit që ka fituar me fanellën e Interit, por edhe me Argjentinën në Botëror. Në një intervistë për "ESPN", argjentinasi thekson se shtatë tituj në dy vitet e fundit janë për një motiv i madh për të vijuar punën me dedikim dhe përkushtim për të arritur edhe më shumë në karrierë.

Ndër të tjera, sulmuesi tregon edhe bisedën me Lionel Mesin, i cili i theksoi se skuadra kishte nevojë për një Lautaro në formën optimale duke qenë se sulmuesi vuante një dëmtim në kavilje para startit të Botërorit.

“Për një vit e gjysmë, thuajse kalova nga zero tituj në karrierë, në shtatë të tillë. kjo është diçka që më motivon shumë për vazhdimësinë e karrierës. Dëmtimi para Botërorit? Mesi m'u afrua dhe më tha se duhej të rikuperohesha, më tha se isha i rëndësishëm për skuadrën. Edhe unë ia bëra të qartë Mesit se duhej të bënte më të mirën për grupin, por në atë moment po vuaja shumë dhe jam i lumtur që ai më mbështeti.

Në Abu Dhabi fola edhe me trajnerin Skaloni, i tregova të vërtetën rreth dëmtimit dhe dhimbjes që ndieja. E njoftova trajnerin për gjithçka dhe i thashë se ndoshta ishte më mirë të më ulte në stol”, u shpreh Lautaro Martinez.





Lajmet e fundit nga