web counter
LEXO PA REKLAMA!

SHKARKO APP

App Store
Google Play

Ka shënuar 8 gola këtë sezon, sulmuesi kuqezi drejt transferimit në Serie A

10 Shkurt 2023, 16:48, Sport CNA

Stiven Shpendi është një nga lojtarët më premtues që ka në gjirin e vet skuadra e Cesena. Sulmuesi shqiptarë ka arritur të marrë vëmendjen e skuadra “big” të Serie A.

19-vjeçari me Cesena në Serienë C Italiane ka arritur të shënojë 8 gola, duke zgjuar interesin e skuadrave si Milan, Empoli, Fiorentina, Sassuolo dhe Bolognas.

Gjasat janë që me ecurinë që po bën aktualisht Shpendi, sezonin e ardhsmë mund të bëjë edhe hapin e madh në karrierën e tij futbollistike.

Kujtojmë se 19-vjeçari është pjesë e kombëtares U-19 ku ëhstë një element mjaft i rëndësishëm i ngjyrave kuqezi. “Shkoja në mëngjes në shkollë dhe në orën 13:40 ishte autobusi i klubit që na merrte për të na çuar në stërvitje, duke na kthyer në darkë pas stërvitjeve. A më kanë peshuar këto sakrifica? Cilat sakrifica! Kur ka pasion, sakrificat nuk i ndjen”, u shpreh Stiven Shpendi në një intervistë të dhënë për “Il Resto del Carlino”.

“Për dy vite kam bërë vajtje-ardhje në Çezena nga shtëpia ime, por këtë vit po qëndroj në qytet. Më mungojnë pak shokët e skuadrës së të rinjve, pasi kisha një lidhje të ngushë me ta. Shpesh dëgjohemi, i ndjek gjithmonë, por duhej bërë ky hap i madh.

A e vuajta përballjen me Serinë C? Në fillim ishte e vështirë për shkak të ndryshimit në nivelin fizik dhe psikologjik. Por u mësova dhe gjithçka u përmirësua”, tha djaloshi shqiptar i cili ka shënuar 5 gola në 3 ndeshjet e fundit në Serinë C.





Lajmet e fundit nga