web counter
LEXO PA REKLAMA!

SHKARKO APP

App Store
Google Play

Gjetën pa jetë në gërmadha lojtarin e tyre pas tërmetit, klubi turk merr vendimin drastik

10 Shkurt 2023, 08:14, Sport CNA

Klubi i Jeni Malatiaspor po bëhet gati që të dorëzojë në Federatën Turke kërkesën që të tërhiqet nga kampionati në këtë edicion. Skuadra e kategorisë së dytë turke është e vendosur në një nga zonat më të prekura nga tërmeti shkatërrimtar që goditi Turqinë, me mijëra të vdekur e të plagosur.

Një ditë më parë, klubi bëri të ditur se ishte gjetur pa jetë poshtë rrënojave të një prej godinave të shembura, portieri i kësaj skuadre, Ahmet Ejup Turkaslan. Sot, presidenti i klubit, Ahmet Jaman, konfirmoi se bordi do të mblidhej për të marrë vendimin e braktisjes së garave të këtij kampionati si pasojë e kësaj fatkeqësie të rëndë, pasi njerëzit do të përqendroheshin te ajo që kishte më shumë rëndësi në këto momente.

“Tani nuk është koha për futboll. Mijëra njerëz tanë janë në gërmadha, familjet e tyre janë në zi, duke pritur lajmin rreth tyre, duke varrosur trupat e tyre. Nuk ka se si të luajmë futboll. Nuk kemi marrë një vendim të qartë për momentin, por nuk do të mund të luajmë futboll. Pas mbledhjes së bordit drejtues, do të marrim vendimin për t’u tërhequr nga liga”, tha ai.





Lajmet e fundit nga