E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

DISIPLINA/ Dënohet Egnatia, paralajmërohet Apolonia

9 Shkurt 2023, 15:52, Sport CNA

Komisioni i Disiplinës në FSHF ka shqyrtuar ngjarjet e kësaj jave në futbollin shqiptar teksa ka dhënë vendime për ngjarje të ndryshme që kanë ndodhur në vendin tonë, duke filluar nga Superiorja.

Skuadra e Egnatias ka pësuar një gjobë për sjelljen e spektatorëve të saj që kanë gjuajtur me sende në fushën e lojës gjatë ndeshjes së fundit të rrogozhinasve përballë Tiranës, sfidë e cila u mbyll me shifrat 1-2 për bardheblutë.

Ndërkohë, Apolonia ia ka hedhur me një paralajmërim pas akuzave të Korabit për presion ndaj gjyqtarëve, pasi kishin filmuar presidentin e klubit fierak duke dalë nga dhomat e zhveshjeve të drejtuesve të ndeshjes mes dy skuadrave.

VENDIMET

KF Egnatia, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 100.000 (njëqind mijë) lekë.

FK Apolonia, në bazë të nenit 12 të KDS, paralajmërohet se në rast të përsëritjes të sjelljes së gabuar të zyrtarëve të klubit, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

FK Tomori, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.

Lojtari i KF Maliqi, Arlind Xaka, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i SH.S Albpetrol, Rudin Nako, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 3 (tre) ndeshje pezullim nga aktiviteti.

Lojtari i Shënkolli, Ded Bushi, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.

Lojtari i KF Bylis U17, Paulin Sinarrapaj, për provokim të publikut, në bazë të nenit 52/1 të KDS, dënohet me 2 (dy) ndeshje pezullim nga aktiviteti.