web counter
LEXO PA REKLAMA!

SHKARKO APP

App Store
Google Play

Broja i çudit të gjithë me rikthimin e shpejtë te Chelsea

9 Shkurt 2023, 10:19, Sport CNA

Armando Broja do të jetë spektator në këtë sezon pasi rikthimi i tij në fushën e lojës pritet vetëm në fazën përgatitore për sezonin 2023-2024.

Të paktën kështu mendohej deri më sot. Por vetë sulmuesi i kombëtares shqiptare, duket se ka ide të tjera dhe po djeg etapat shumë më shpejt për kthimin në fushë.

Pas ndërhyrjes kirurgjikale të cilës iu nënshtrua në muajin dhjetor, sulmuesi ka bërë një periudhë pushimi për rikuperimin. Por duket se që tani ka nisur punë konkrete për kthimin sa më të shpejtë në fushën e lojës.

Kjo shihet nga foto dhe videot e fundit që janë publikuar në rrjetet sociale nga Çelsi dhe lojtarët e saj.Në një foto, shihet Broja teksa ecën në palestër mes shokëve të skuadrës, pa mbrojtëse në gju.

Ndërsa më pas, ai shfaqet në një video të publikuar nga Mudrik, i cili po tregonte se ishte në formë duke ngritur pesha. Broja shihet i ulur pas krahëve të tij, me sa duket pas një seance ku ka nisur terapinë për kthimin në fushë.

Kjo gjë ka çuditu edhe tifozët e Çelsit të cilët në rrjete sociale kanë reaguar si ndaj aftësive të lojtarit që klubi bleu për 100 milionë paund, ashtu edhe për faktin se Broja është shfaqur shumë më shpejt se sa pritej në palestër për të nisur hapat e parë drejt riaftësimit.





Lajmet e fundit nga