web counter
LEXO PA REKLAMA!

SHKARKO APP

App Store
Google Play

"Poker” golash, Reali likuidon Al Ahly dhe “fluturon” në finalen e Botërorit të Klubeve

8 Shkurt 2023, 22:05, Sport CNA

"Poker” golash, Reali likuidon Al Ahly dhe “fluturon”

Reali ka mposhtur me rezultatin 1-4, egjiptianët e Al Ahly në duelin e mbrëmjes së sotme të zhvilluar në Marok, dhe të vlefshëm për gjysmëfinalen e Botërorit të Klubeve duke siguruar kështu “biletën” për në finalen ndaj Al Hilal që do të zhvillohet më datën 11 shkurt në orën 20:00.

Për sa i përket duelit të sotëm, madrilenët e Ançelotit, nuk e vunë në diskutim kualifikimin, teksa ishte Vinicius Zhunior, ai që zhbllokoi sfidën, duke realizuar në minutën e 42-të.

Pjesa e parë u mbyll me rezultatin 0-1 në favor të spanjollëve, ndërkohë që në pjesën e dytë u shënuan edhe plot 4 gola.

Në startin e pjesës së dytë, më konkretisht në minutën e 46-të, Valverde dyfishoi shifrat, duke sjellë qetësinë e nevojshme. Gjithsesi egjiptianët provuan të rihapnin duelin me Malul në minutën e 65-të. Ky i fundit shënoi nga pika e penalltisë, por vetëm kaq. Në minutat shtesë, Reali shënoi edhe dy herë të tjera me Rodrigo dhe Arribas, duke kompletuar “pokerin”.

Vlen të theksohet fakti se në minutën e 87-të, Modriç shpërdoroi një penallti, teksa gjuajtja e tij u ndal nga portieri.

FT: AL AHLY – REAL MADRID 1-4





Lajmet e fundit nga