web counter
LEXO PA REKLAMA!

SHKARKO APP

App Store
Google Play

E fundit!

x

Berisha kapet keq me trajnerin Juric, Torino merr vendimin drastik për shqiptarin

8 Shkurt 2023, 15:10, Sport CNA

Merkatoja është mbyllur dhe Etrit Berisha është shndërruar në një çështje te Torino. Sipas mediave pranë klubit “granata”, gardiani kuqezi ka debatuar ashpër me trajnerin Juriç dhe prej javësh është lënë jashtë grupit.

Shkak është bërë mungesa e aktivizimit, pasi portieri shqiptar nuk ka luajtur as në Kupën e Italisë, kompeticion i rezervuar kryesisht për portierët e dytë.

Pas krisjes, Berisha është lënë jashtë grupit, ndërsa drejtuesit provuan t’i gjejnë një tjetër sistemim në janar, por nuk ia dolën.

Shkak u bë paga e lartë e Berishës, që përfiton rreth 800 mijë euro në sezon, shifër që në janar nuk e ofroi asnjë klub tjetër, ndaj palët janë të detyruara të bashkëjetojnë deri në fund të sezonit.

Për Berishën është përfolur këto ditë një transferim i mundshëm drejt Turqisë aty ky mbyllet merkato ditën e nesërme, por s’ka pasur asnjë pistë konkrete.

Largimi i tij në fund të sezonit nga Torino është i sigurt, por nuk dihet nëse do vazhdojë të qëndrojë në Serie A apo të kalojë në Serie B, aty ku nuk i kanë munguar ofertat.





Lajmet e fundit nga