web counter
LEXO PA REKLAMA!

SHKARKO APP

App Store
Google Play

E fundit!

x

Bayern Munich, një "udhëkryq" i vërtetë për të ardhmen e Mbappe

8 Shkurt 2023, 10:30, Sport CNA

Bayern Munich, një "udhëkryq" i vërtetë për

Të martën e ardhshme, më 14 shkurt, PSG do të përballet me Bayern Munich në ndeshjen e parë të 1/8 finale të Ligës së Kampionëve. Një duel në të cilin Kylian Mbappé nuk do të jetë për shkak të lëndimit. Për rikthimin, më 8 mars, ylli francez shpreson të rikuperohet.

Një angazhim jetik, jo vetëm për aspiratat e PSG-së në kompeticionin më të lartë europian, por, mesa duket, për të ardhmen e Mbappe. Sulmuesi francez do të ishte i gatshëm të kërkonte largimin nga skuadra franceze në rast të eliminimit prej Ligës së Kampionëve nga bavarezët.

Një dështim i ri për PSG në Ligën e Kampionëve do të nënkuptonte shtytjen përfundimtare për Mbappé. Nëse po, Kylian do t’i kërkonte Al-Khelaiffit që ta linte të largohej nga klubi në merkaton e verës së ardhshme.

Mbappé është i vetëdijshëm se PSG nuk do të jetë e gatshme ta lërë yllin e vet të madh “të arratiset” në merkaton e verës. Do të jetë e vështirë për të që të largohet, pasi të ketë zbritur një vit nga kontrata e tij. Nëse nuk ia del, sulmuesi francez mund të nënshkruajë edhe një parakontratë me Real Madridin për vitin 2024, duke u siguruar kështu që të dyja palët të mos përsërisin atë që ndodhi vitin e kaluar.

Situata e keqe e Mbappe brenda PSG-së është përfolur prej disa muajsh. Lojtari nuk është i lumtur në klub dhe, ndërsa drejtuesit e tij përpiqen ta bindin atë të rinovojë, duket gjithnjë e më e qartë se aspiratat e francezit nuk shkojnë më nga skuadra pariziene.





Lajmet e fundit nga